Позна ўвечары ў суботу беларускія праваахоўнікі зноў выкарысталі агнястрэльную зброю: з дапамогай стрэлаў давялося спыняць мужчыну ў Бабруйску, паведамляе прэс-служба МУС у сваім тэлеграм-канале. Расказваем падрабязнасці.
Каля 9 гадзін вечара ў суботу ў міліцыю патэлефанавала жыхарка Бабруйска і паведаміла, што на дварэ мужчына наносіць пашкоджанні машынам, пагражае мінакам. На месца выехаў нарад мясцовага аддзела Дэпартамента аховы МУС.
«На месцы здарэння агрэсіўна настроены мужчына не выконваў законных патрабаванняў супрацоўнікаў кінуць зброю на зямлю. Калі ён скіраваўся ў бок міліцыянтаў з нажом, тыя зрабілі папераджальныя стрэлы ў паветра, пасля чаго — па нагах нападніка», — гаворыцца ў паведамленні МУС Беларусі. На відэа, якое апублікавала ведамства, у мужчыны відаць сляды агнястрэльных раненняў на абедзвюх нагах.
Паводле інфармацыі прэс-службы, мужчына паспрабаваў здзейсніць суіцыд, але міліцыянты не далі яму гэта зрабіць і аказалі першую дапамогу. Пасля яго даставілі ў бальніцу. Нападнікам аказаўся 44-гадовы бабруйчанін.
Чытайце таксама
